5 Mehefin 2025: Cynhadledd creu Trefi a Dinasoedd Byd Natur
Cynhadledd ar-lein am ddim i arweinwyr llywodraethau lleol, y sector cyhoeddus a’r gymuned sy’n gweithio gyda’i gilydd i greu trefi a dinasoedd DU gwyrddach, llewyrchus a mwy ffyniannus.
Archebu eich lleAgenda ar gyfer newid
Mae newid trefol ar raddfa tirwedd er budd pobl a natur yn gofyn am gydweithrediad ac arweinyddiaeth uchelgeisiol.
Mae’r gynhadledd undydd ar-lein hon wedi ei bwriadu i gefnogi arweinwyr ar bob lefel, o lywodraeth leol, y sector cyhoeddus, a sefydliadau cymunedol i gyflawni hynny’n union. Bydd y diwrnod hefyd yn gyfle i ddysgu rhagor am Drefi a Dinasoedd Byd Natur.
Sgroliwch i lawr i weld pigion yr agenda a’r rhestr siaradwyr. Neu cliciwch ar y botwm isod i weld manylion llawn y diwrnod.
Pigion yr agenda
Prif siaradwyr
Lleisiau blaenllaw
Mae’r gynhadledd yn dechrau gyda chyfres o leisiau traws-sector, gan fynd at wraidd yr angen am fyd natur mewn mannau trefol. Byddwch yn clywed gan Y Farwnes Hayman (Gweinidog dros Fynediad at Natur) ynghylch gwyrddio trefol mewn polisïau llywodraeth, y Cynghorydd Sam Lux am fynediad gwell at natur yn Nottingham a James Scott (Trefol a Dinesig) ynghylch pwysigrwydd rhwydweithiau mewn gwneud newid cadarnhaol.
Panel
Man gwyrdd trefol yn bwysig
Pan mae byd natur yn cynefino’n lleol, mae ein bywydau ni oll yn well. Bydd ein panel siaradwyr sy’n cynnwys David Luckin (Co-op), Lisa Dodd Mayne (Sport England) a Paul Lawrence (Cyngor Dinas Caeredin) yn dadansoddi’r datganiad hwn yn ôl safbwynt amrywiaeth o sectorau a sefydliadau. Bydd cyfle i ofyn cwestiynau hefyd.
Trafodaeth
Nerth pobl
Trafodaeth grŵp am rym gweithio ar y cyd, gyda chamau ymarferol i fanteisio i’r eithaf ar gynhwysiant, partneriaethau a chydweithrediad yn eich tref neu ddinas. Yn cynnwys Kersten England CBE (Dinas Diwylliant Bradford), Tayshan Hayden-Smith (actifydd amgylcheddol) and Chantell Lindsay (cadwraethwr a chyflwynydd).
Rhwydweithio
Cysylltu a myfyrio
Ewch o gwmpas yr ystafell rithiol a chewch y cyfle i gwrdd a sgwrsio gydag eraill sy’n bresennol yn y gynhadledd. Ymunwch â bwrdd, sgwrsiwch â siaradwyr a thîm rhaglen Trefi a Dinasoedd Byd Natur, neu cymerwch eiliad i’ch hunan a chymryd seibiant.
Fformatau hyblyg
Sesiynau rhyngweithiol
Cewch gyfres o fformatau sesiynau i ddewis ohonynt er mwyn bodloni eich dull dysgu.
Arddangos prosiect
Rhannu arfer orau
Dewch o hyd i ddatrysiadau sydd wedi ennill eu plwyf a allai helpu i drawsnewid eich tref neu ddinas. Bydd cynrychiolwyr o chwe phrosiect ledled y DU gan gynnwys Eastside Greenway, strategaeth mannau Gwyrdd a Glas Belfast ac Enfield yn datgelu sut maent wedi cyflawni newid i gefnogi natur a mynd i’r afael â newid hinsawdd. Byddant yn rhannu beth maent wedi ei ddysgu ac yn myfyrio ar y buddion i bobl, lle a chymuned.
Trafodaeth gyfredol
Sylw i bobl a phartneriaid
Mae sesiynau rhyngweithiol yn rhoi’r sylw i bobl a phartneriaethau mewn gwneud penderfyniadau. Byddwn yn edrych ar y camau i ennyn diddordeb, ysbrydoli a chefnogi cymunedau, a beth sy’n bosibl o ran gwneud penderfyniadau ar y cyd. Gydag enghreifftiau o Natur Drws Nesaf, Sow the City ac Awdurdod Cyfunol Manceinion Fwyaf, yn ogystal ag eraill, dewch o hyd i fodelau cyflawni newydd a sut allant gael eu defnyddio yn lleol i chi.
Meithrin sgiliau
Dysgu ymarferol
Gweithdai sgiliau creadigol i’ch darparu ag awgrymiadau a syniadau ymarferol i wneud newid cadarnhaol yn eich tref neu ddinas. Caiff y rhain eu cynnal gan hwylusydd arbenigol. Dewch yn ôl yn fuan i gael cadarnhad o’r themâu.
Ein siaradwyr
Pwy fydd yn eich annerch
Gyda dros 20 o siaradwyr wedi’u cadarnhau, gallwch ddisgwyl clywed llawer o safbwyntiau gwahanol ar y diwrnod, gan gynnwys:
- Kersten England CBE o Ddinas Diwylliant Bradford
- Tayshan Hayden-Smith o Grow to Know
- Paul Lawrence o Gyngor Dinas Caeredin
- Dave Luckin o Co-op
Cymerwch olwg ar y rhestr siaradwyr isod, gyda rhagor i’w cadarnhau.
Platfform trochol
Dewch yn gyfarwydd â Digilounge
Teimlad wyneb-yn-wyneb cynhadledd yn y fan a’r lle, sliperi’n ddewisol
Rydym yn defnyddio Digilounge i gynnal y gynhadledd. Ar brydiau, byddwch yn teimlo fel eich bod mewn ystafell ag eraill, a throeon eraill yn bresennol mewn sesiwn lawn lle byddwch yn gwrando ar un neu ragor o siaradwyr. Cymerwch gip ar yr arddangosiad technoleg ymlaen llaw. Gallwch hefyd fewngofnodi yn gynnar i greu proffil fel bod eraill yn gallu gweld eich enw ac o ble rydych yn ymuno.
Archebu eich lle
Mae dros 1000 o fynychwyr eisoes wedi cofrestru. Peidiwch â cholli eich cyfle i gymryd rhan.
Archebwch docyn am ddim a chadwch 5 Mehefin yn rhydd yn eich dyddiadur.
Edrychwn ymlaen at eich gweld chi yno.