Panel Achredu

Dewch i gwrdd â'r panelwyr achredu Trefi a Dinasoedd Natur annibynnol, sy'n asesu ceisiadau ac yn dyfarnu statws Tref neu Ddinas Natur swyddogol i leoedd sydd wedi ymrwymo i gyflawni dyfodol iachach a gwyrddach i bobl a natur.

Dysgu am achrediad

Cwrdd â'r panel

Head shot of John Mothersole, Chair of National Lottery Community Fund

Cadeirydd - John Mothersole

Cadeirydd Cronfa Gymunedol y Loteri Genedlaethol

Nicole Collomb

Prif Swyddog Polisi, Awdurdod Llundain Fwyaf

Head shot of Philip Askew, Director of Landscape, Peabody

Dr. Philip Askew

Cyfarwyddwr Tirwedd, Peabody

Ian Baggot

Rheolwr Gyfarwyddwr, Tirweddau a Threftadaeth, CFP

Kunle Barker

Awdur, darlledwr a Chyfarwyddwr Sefydlol Natural Places

Tanvi Desai

Swyddog Partneriaethau a Datblygu, Parks for London

Mark Cridge

Cyfarwyddwr Gweithredol, Dinas Parc Cenedlaethol

Joel Carré

Rheolwr Glanhau a Chynnal a Chadw Tiroedd Dros Dro yng Nghyngor Southwark

Head shot of Lily Feasby, Senior Transport Strategy Officer, Transport for Greater Manchester

Lily Ramsey

Uwch Swyddog Strategaeth Trafnidiaeth, Trafnidiaeth Manceinion Fwyaf

Jude Hassall

Prif Swyddog Polisi, Awdurdod Llundain Fwyaf

Alan Carter

Prif Weithredwr, The Land Trust

Lou Matter

Uwch Swyddog Rhwydwaith, New Local

Alexe Rose

Ymgynghorydd amgylcheddol yn canolbwyntio ar rymuso pobl a mynediad i fyd natur

Aydin Zorlutuna

Cyfarwyddwr y DU ar gyfer Tirwedd, Meistr-gynllunio a Threfolaeth, Arcadis

Sarah Webster

Swyddog Parciau Cymunedol, Cyngor Dinas Derby

Rosie Rowe

Arweinydd Capasiti Ymchwil ar gyfer Cydweithrediad Ymchwil Penderfynyddion Iechyd Ealing

Martin Whitchurch

Arweinydd Strategol ar gyfer Mannau Gwyrdd a Chadwraeth. Cyngor Bournemouth, Christchurch a Poole

Cadeirydd - John Mothersole

Cadeirydd Cronfa Gymunedol y Loteri Genedlaethol

Mae John yn gyn Brif Weithredwr Cyngor Dinas Sheffield, gan oruchwylio dinas sy'n cwmpasu ardaloedd trefol a gwledig yn cynnwys parc cenedlaethol. Bu'n gweithio mewn swyddi uwch yn Llundain gyda phortffolio a oedd yn cynnwys sawl parc, sgwariau trefol a llecynnau bywyd gwyllt dinesig a chyn hynny bu'n Swyddog Datblygu'r Celfyddydau ar gyfer Newcastle upon Tyne. Ar hyn o bryd mae'n Gadeirydd Cronfa Gymunedol y Loteri Genedlaethol i Loegr ac yn Gadeirydd Coleg Sheffield ac arferai fod yn aseswr i Ymholiad Cyhoeddus Tŵr Grenfell.

Nicole Collomb

Prif Swyddog Polisi, Awdurdod Llundain Fwyaf

Mae Nicole yn bensaer tirwedd siartredig gyda thros 30 mlynedd o brofiad mewn polisi mannau gwyrdd cyhoeddus a seilwaith gwyrdd trefol. Fel Prif Swyddog Polisi yn Awdurdod Llundain Fwyaf, mae'n arwain rhaglenni strategol i wneud Llundain yn wyrddach ac iachach, yn cynnwys Strategaeth Seilwaith Gwyrdd Llundain. Yn ogystal, mae Nicole yn aelod o Bwyllgor Cronfa Dreftadaeth y Loteri Genedlaethol, yn feirniad Gwobr Baner Werdd, ac yn cyfrannu at ansawdd paneli adolygu yn Llundain, Folkestone a Hythe.

Dr. Philip Askew

Cyfarwyddwr Tirwedd, Peabody

Phil yw'r Cyfarwyddwr Tirwedd yn Peabody, gan arwain dylunio amgylcheddol a seilwaith gwyrdd ar draws ei ystadau, yn cynnwys y gwaith sylweddol o adfywio Thamesmead. Yn flaenorol, bu'n cyfarwyddo'r dasg o greu Parc Olympaidd Llundain 2012 a'i drawsnewid yn Barc Olympaidd y Frenhines Elizabeth. Yn bensaer tirwedd siartredig gyda chymwysterau mewn pensaernïaeth tirwedd, dylunio trefol, a garddwriaeth, mae Phil hefyd yn aelod o sawl panel adolygu dylunio, yn beirniadu gwobrau diwydiant, ac yn mentora arweinwyr y dyfodol mewn dylunio trefol.

Ian Baggot

Rheolwr Gyfarwyddwr, Tirweddau a Threftadaeth, CFP

Mae Ian yn weithiwr proffesiynol ym maes tirweddau a threftadaeth gyda thros 40 mlynedd o brofiad ar draws y sector cyhoeddus, preifat a gwirfoddol. Mae wedi arwain Partneriaeth Cymunedau’n Gyntaf am dros 20 mlynedd ac wedi cyfrannu at ganllawiau, ymchwil, a pholisi cenedlaethol ar fannau gwyrdd. Mae Ian yn dod ag arbenigedd mewn cynllunio strategol, ymgysylltu cymunedol, a phrosiectau tirwedd a bioamrywiaeth ar raddfa fawr. Ac yntau'n ddylunydd a gwerthuswr prosiect medrus, mae hefyd yn dysgu Cymraeg ac yn fynyddwr brwd.

Kunle Barker

Awdur, darlledwr a Chyfarwyddwr Sefydlol Natural Places

Mae Kunle yn ymgynghorydd sy'n canolbwyntio ar ddefnyddio dyluniad i wella bywydau a'r amgylchedd. Gyda thros 20 mlynedd o brofiad yn yr amgylchedd adeiledig, gweithiodd ar draws prosiectau preswyl ac addysgol, a phrosiectau adfywio sylweddol. Cyfrannodd at brosiect allweddol ar gyfer Related Argent yn Brent Cross Town, lle bu'n datblygu strategaethau i integreiddio byd natur nid yn unig i'r amgylchedd ond hefyd i fywydau pob dydd - a ystyrir yn ddull hynod o arloesol. Mae Kunle wedi ymddangos ar raglenni Channel 4, ITV a'r BBC, ac mae'n sylwebydd rheolaidd i Sky News a Times Radio. Mae'n ysgrifennu llawer am dai, pensaernïaeth a dylunio, gan ddefnyddio ei broffil ar y cyfryngau i wneud yr amgylchedd adeiledig yn fwy hygyrch i gynulleidfa ehangach. Mae'n cynnal y Wobr Stirling RIBA, yn beirniadu sawl gwobr diwydiant, yn un o lywodraethwyr Ysgol St Christopher yn Hampstead ac yn un o Ymddiriedolwyr Sefydliad Grimshaw.

Tanvi Desai

Swyddog Partneriaethau a Datblygu, Parks for London

Mae Tanvi yn gweithio i Parks for London, gan ganolbwyntio ar bartneriaethau a chynllunio strategol. Yn flaenorol, bu'n arwain y gwaith o ddatblygu gwasanaethau a deddfwriaeth ar gyfer ymchwil data cymdeithasol ac economaidd yn y DU ac yn rhyngwladol. Gyda MSc yn yr Amgylchedd a Chynaliadwyedd, cymhwysodd ei sgiliau data yn GiGL yn rheoli cronfa ddata Mannau Agored Llundain ac yn ddiweddarach bu'n cydlynu rhaglen goed y Maer yn Awdurdod Llundain Fwyaf.

Mark Cridge

Cyfarwyddwr Gweithredol, Dinas Parc Cenedlaethol

Mark yw Cyfarwyddwr Gweithredol Sefydliad Dinas Parc Cenedlaethol a Dinas Parc Cenedlaethol Llundain, mudiad llawr gwlad sy'n gwneud dinasoedd yn wyrddach ac iachach. Wedi'i lansio yn 2019 gyda chefnogaeth eang, Llundain yw'r Ddinas Parc Cenedlaethol gyntaf yn y byd, gyda 130 o geidwaid gwirfoddol yn arwain gweithgareddau cymunedol. Yn flaenorol, Mark oedd Prif Weithredwr yr elusen technoleg ddinesig mySociety ac am bum mlynedd bu'n aelod o weithrediaeth genedlaethol y Blaid Werdd. Astudiodd Mark bensaernïaeth ym Mhrifysgol Strathclyde a dechreuodd ei yrfa yn dylunio gwefannau cyn sefydlu asiantaeth hysbysebu digidol gyntaf y DU, Glue London, cyn dod yn Rheolwr Gyfarwyddwr Isobar yn ddiweddarach.

Joel Carré

Rheolwr Glanhau a Chynnal a Chadw Tiroedd Dros Dro yng Nghyngor Southwark

Mae Joel yn weithiwr proffesiynol ym maes rheoli tir gyda thros 30 mlynedd o brofiad yn y sector cyhoeddus a gwirfoddol. Mae'n arbenigo mewn seilwaith gwyrdd (GI), datblygu partneriaethau, a modelau buddsoddi cynaliadwy. Bu Joel yn arwain mentrau sylweddol fel Cyflymydd Parciau'r Dyfodol a chadeiriodd Gonsortiwm GI Swydd Bedford a Luton. Gweithiodd fel Pennaeth Parciau a Mannau Gwyrdd yng Nghyngor Dinas Caergrawnt a bellach mae'n arwain trawsnewidiad rheoli lle yng Nghyngor Southwark. Yn ogystal, mae Joel yn beirniadu ar gyfer y Cynllun Gwobr Baner Werdd.

Lily Ramsey

Uwch Swyddog Strategaeth Trafnidiaeth, Trafnidiaeth Manceinion Fwyaf

Mae Lily yn ddylunydd trefol a chynllunydd trafnidiaeth ac yn eiriolwr dros greu amgylcheddau trefol sy'n llefydd haws a mwy deniadol i symud o gwmpas drwy gerdded, beicio a thrafnidiaeth gyhoeddus; yn gynhwysol i bawb; yn gynaliadwy; ac sy'n gweld natur yn nodwedd drefol hanfodol.

Jude Hassall

Prif Swyddog Polisi, Awdurdod Llundain Fwyaf

Mae gan Jude dros 20 mlynedd o brofiad mewn cynaliadwyedd amgylcheddol a rheoli tir, gan ddarparu arweiniad strategol, gweithrediad, a chymorth polisi. Bu Jude yn helpu tirfeddianwyr i gydweithio ar welliannau bioamrywiaeth drwy Gronfa Hwyluso Natural England a gweithiodd gyda B&Q i gyfoethogi coetiroedd a chadwyni cyflenwi Lloegr. Ar hyn o bryd, mae Jude yn arwain y tîm Parciau a Mannau Gwyrdd Trefol yn Awdurdod Llundain Fwyaf, gan ganolbwyntio ar warchod a chyfoethogi mannau gwyrdd ledled Llundain. Yn eu hamser hamdden, mae Jude yn mwynhau caiacio ar y Tafwys a thu hwnt.

Alan Carter

Prif Weithredwr, The Land Trust

Mae Alan yn Brif Weithredwr The Land Trust, elusen rheoli mannau gwyrdd flaenllaw'r DU, gan oruchwylio stiwardiaeth dros 85 safle ar draws Lloegr. Gyda phortffolio buddsoddi o £200 miliwn, mae'r Ymddiriedolaeth yn darparu dros £35 miliwn o werth cymdeithasol bob blwyddyn. Ac yntau'n syrfëwr siartredig, bu Alan yn gweithio gyda'r Land Trust am 14 mlynedd, gan wasanaethu fel Cyfarwyddwr Gweithrediadau, a threuliodd 13 mlynedd gyda Dyfrffyrdd Prydain. Mae'n eiriolwr brwd dros ddefnyddio seilwaith gwyrdd, glas a llwyd i gynhyrchu canlyniadau cymdeithasol ac amgylcheddol i gymunedau lleol. Mae arweinyddiaeth Alan yn adlewyrchu ymrwymiad dwfn i gynaliadwyedd, cynhwysiant, ac ymgysylltiad cymunedol. Ar ôl mynd yn rhannol fyddar yn ystod y degawd diwethaf, mae'n hyrwyddo amrywiaeth ac yn gweithio i chwalu'r rhwystrau er mwyn sicrhau bod pawb yn cael mynediad at fannau gwyrdd.

Lou Matter

Uwch Swyddog Rhwydwaith, New Local

Treuliodd Lou ddegawd yn gweithio i Gymdeithas Frenhinol y Celfyddydau, gan gefnogi ymgysylltiad â phobl, cymunedau, prosiectau newid cymdeithasol yn ogystal â chreu cysylltiadau a datblygu rhwydweithiau, yn benodol yng Nghymru a de-orllewin Lloegr. Gweithiodd hefyd gyda phortffolio o elusennau'r GIG yn NHS Charities Together, yn cefnogi eu grantiau. Mae Lou yn gweithio gyda New Local ar hyn o bryd, gan ymgysylltu a chysylltu â'i rwydwaith o awdurdodau lleol ar hyd a lled y DU, gyda phob un yn canolbwyntio ar drawsnewid gwasanaethau cyhoeddus a gweithio'n agos â'u cymunedau.

Alexe Rose

Ymgynghorydd amgylcheddol yn canolbwyntio ar rymuso pobl a mynediad i fyd natur

Gweithiodd Alexe am 25 mlynedd yn creu ac yn rhoi sawl gwelliant man gwyrdd ar waith yn llwyddiannus ar gyfer cymunedau gwledig a threfol. Mae ganddi brofiad mewn rheoli gwirfoddolwyr, addysg awyr agored, hamdden a datblygu cymunedol. Mae hi'n frwd iawn dros warchod yr amgylchedd a hwyluso mynediad ato i bawb ar garreg eu drws. Ar ôl gweithio ar bartneriaethau mannau gwyrdd gydag asiantaethau'r llywodraeth, elusennau, cynghorau tref a phlwyf, gwirfoddolwyr ac aelodau o'r gymuned, mae Alexe yn eiddgar i weld trefi a dinasoedd yn cydweithio ac yn ysgwyddo'r baich o wella'r amgylchedd, mynediad pobl ato, a'u mwynhad ohono.

Aydin Zorlutuna

Cyfarwyddwr y DU ar gyfer Tirwedd, Meistr-gynllunio a Threfolaeth, Arcadis

Pensaer tirwedd yw Aydin sydd â thros 33 o flynyddoedd o brofiad ac sy'n gwasanaethu fel Cyfarwyddwr y DU ar gyfer Tirwedd, Meistr-gynllunio a Threfolaeth ar hyn o bryd. Mae'n arwain prosiectau dylunio trefol a chreu lleoedd amlddisgyblaethol ac yn gyfathrebwr effeithiol gyda chleientiaid a rhanddeiliaid. Yn ddylunydd paramaethu cymwys ac yn aseswr Adeiladu gyda Natur, mae Aydin yn frwd dros fioffilia mewn dylunio gwydn. Mae hefyd yn gwasanaethu fel Prif Aseswr ar gyfer y Sefydliad Tirwedd a chadeiriodd ei Wobrau Lle ac Adfywio yn 2023. Mae ei waith yn cynnwys seilwaith gwyrdd a glas ar gyfer aneddiadau newydd a datrysiadau trefol seiliedig ar natur, gan ganolbwyntio ar stiwardiaeth hirdymor.

Sarah Webster

Swyddog Parciau Cymunedol, Cyngor Dinas Derby

Mae Sarah yn gweithio yn y sector cadwraeth, amgylcheddol, cymunedol a rheoli parciau ers dros 30 mlynedd, gan ddechrau ei gyrfa gyda'r elusen amgylcheddol Groundwork, cyn symud ymlaen i weithio gyda Chyngor Dinas Derby dros y 21 mlynedd diwethaf. Bu ffocws swyddi Sarah ar gyflwyno prosiectau'n seiliedig ar natur, ymgysylltu â chymunedau, a rheoli parciau mewn amgylcheddau trefol. Mae hyn wedi golygu gweithio drwy ymgynghoriad, partneriaethau, ac amrywiaeth o welliannau ffisegol ac ecolegol, wrth lywio'r heriau ymarferol a gweithrediadol o reoli mannau gwyrdd mewn lleoliadau dinesig ar yr un pryd. Mae Sarah hefyd yn feirniad Gwobr Baner Werdd.

Rosie Rowe

Arweinydd Capasiti Ymchwil ar gyfer Cydweithrediad Ymchwil Penderfynyddion Iechyd Ealing

Mae Rosie yn arbenigwr iechyd cyhoeddus gyda thros 15 mlynedd o brofiad mewn awdurdodau lleol a'r GIG, gan ganolbwyntio ar benderfynyddion iechyd ehangach fel mynediad at fannau gwyrdd. Bu'n arwain mentrau Healthy Place Shaping yn Swydd Rhydychen, gan ymdoddi egwyddorion iechyd i gynllunio, adfywio ac adferiad ôl-covid. Bu i Rosie hefyd gyd-sefydlu Partneriaeth Natur Leol Swydd Rhydychen, gan hyrwyddo mynediad teg i fyd natur ar gyfer llesiant drwy arweinyddiaeth ac ymchwil strategol.

Martin Whitchurch

Arweinydd Strategol ar gyfer Mannau Gwyrdd a Chadwraeth. Cyngor Bournemouth, Christchurch a Poole

Mae gan Martin dros 20 mlynedd o brofiad mewn rheoli mannau gwyrdd awdurdodau lleol. Bu'n arwain rhaglen Parciau'r Dyfodol Cyngor BCP a'i gwaith i greu Strategaeth Seilwaith Gwyrdd, partneriaeth a phartner elusennol, ac mae bellach yn datblygu cynlluniau cyflawni gwyrddu trefol. Mae cylch gorchwyl Martin yn cynnwys rheoli dros 2,500 hectar o fannau gwyrdd cyhoeddus yn strategol, gan weithio mewn partneriaeth i wella'r mannau hyn er budd pobl a natur.

Cyfieithiad Cymraeg yn cyrraedd yn fuan.

Panel Achredu

Cadeirydd - John Mothersole

Nicole Collomb

Dr. Philip Askew

Ian Baggot

Kunle Barker

Tanvi Desai

Mark Cridge

Joel Carré

Lily Ramsey

Jude Hassall

Alan Carter

Lou Matter

Alexe Rose

Aydin Zorlutuna

Sarah Webster

Rosie Rowe

Martin Whitchurch