Achrediad lefel dau: Uwch
Bydd achrediad uwch yn canolbwyntio ar ddatblygu eich cronfa o brosiectau sy’n barod i’w hariannu neu dderbyn buddsoddiad, gan greu achos eich busnes ar gyfer cyllid a buddsoddiad, a datblygu eich modelau gweithredu ac ariannol targed.
Meini prawf achredu
©Delweddau’r Ymddiriedolaeth Genedlaethol / James Dobson
Achrediad lefel un: Uwch
Dyma’r tri cham i achrediad lefel dau: Achrediad uwch. Yma byddwch yn canfod camau awgrymedig i’w cymryd, cyflawniadau disgwyliedig a’r meini prawf asesu ym mhob adran.
Erbyn diwedd lefel dau, byddwch wedi eich achredu’n llawn ac wedi symud eich gweledigaeth i gynlluniau prosiect sy’n barod i’w cyflawni, eu hariannu neu dderbyn buddsoddiad.
Bydd gennych achos busnes cynhwysfawr a chadarn ar gyfer ariannu/buddsoddi cyffredinol a model targed gweithredol ac ariannol cyfunol, gan ymgymryd ag agwedd gynaliadwy a hirdymor.
Byddwch hefyd â buddsoddwyr a chyllidwyr posibl dan sylw ac yn barod i dderbyn cyllid ac i ddechrau cyflawni eich cronfa o brosiectau blaenoriaethol.
Rydym yn argymell eich bod yn lawrlwytho’r meini prawf achredu a’r llyfr gwaith er mwyn rhoi arweiniad i’ch cais.
Nodwch fod yn rhaid i bob ymgeisydd ymgeisio am achrediad lefel un: Sylfaenol a’i gyflawni cyn mynd ymlaen i lefel dau.
Cam un - datblygu eich prosiectau
Nod
Symud eich gweledigaeth a strategaeth seilwaith gwyrdd i’r cam cyflawni trwy ddatblygu cronfa fanwl o brosiectau y mae modd buddsoddi ynddynt. Mae’r dull hwn yn cefnogi newid meddylfryd o brosiectau addas i’r cyllid sydd ar gael, i ail-ddychmygu eich tref neu ddinas fel rhwydwaith cysylltiedig gwyrdd neu las sy’n cyflawni ar gyfer pobl, lle a byd natur. Mae hyn yn broses o ddatblygu a disgrifio’r prosiectau, ymyraethau a datblygiadau parhaus yn ôl y ffordd y bydd eich gweledigaeth a luniwyd ar y cyd yn cael ei chyflawni. Bydd ymgymryd â golwg gyfannol a chynhwysfawr ar y newidiadau a’u datblygu i gronfa o brosiectau yn eich helpu i gyflwyno’r achos cyffredinol am fuddsoddiad.
Tystiolaeth awgrymedig
Rydym yn chwilio am dystiolaeth o’ch cronfa o gynlluniau trawsnewid neu brosiectau sydd â chostau wedi’u cyfrifo’n rhannol neu’n llawn. Cofiwch gynnwys tystiolaeth o gyd-ddylunio, canlyniadau disgwyliedig, amserlen cyflawni prosiect, dull o fonitro gwerthuso, a dysgu gan newid.
Caiff ceisiadau eu hasesu ar sail p’un ai yw’r lle wedi:
- Arddangos dealltwriaeth dda o gyflawniad presennol y prosiect, gan flaenoriaethu prosiectau uchelgeisiol i gyflawni’r nodau seilwaith gwyrdd i’r dref neu ddinas.
- Gweithio â phartneriaid i ddylunio’r prosiectau hyn, gan sicrhau eu bod yn arddangos arfer orau.
- Ymgysylltu â rhanddeiliaid ehangach a’r cyhoedd i alinio gyda’u disgwyliadau a sicrhau cyfranogiad cymunedol hirdymor.
- Disgrifio deilliannau cymdeithasol, amgylcheddol, creu lleoedd ac economaidd disgwyliedig pob prosiect a sut maent yn cyfrannu at yr uchelgais gyffredinol.
- Ystyried grwpio prosiectau ar sail deilliannau ac wedi alinio â chyllidwyr neu ffrydiau ariannu.
- Datblygu amserlen o gamau ac wedi dechrau cyfrifo cost y prosiectau.
- Cynllunio’n effeithiol yr adnoddau sydd eu hangen i gyflawni’r prosiectau.
- Ystyried sut bydd y prosiectau blaenoriaeth yn cael eu cyflawni, gan gynnwys rheoli a chynnal hirdymor.
- Llunio cynlluniau i fonitro, gwerthuso ac adrodd yn rheolaidd ar gynnydd tuag at dargedau lleol.
Camau awgrymedig i’w cymryd wrth ddatblygu eich prosiectau
Archwiliwch Becyn Cymorth Parodrwydd Buddsoddi y Green Finance Institute.
Dewch i ddeall beth sy’n digwydd ar hyn o bryd
Blaenoriaethwch ymyraethau/ syniadau prosiect yr hoffech eu gweithredu
Ymgysylltwch gyda rhanddeiliaid yn ehangach a’r cyhoedd
Ystyried amrywiaeth o ddeilliannau disgwyliedig
Ystyriwch ymuno a meithrin cymuned o arfer
Cynllunio prosiectau a sefydlu camau
Cynllunio adnoddau
Cynlluniwch ar gyfer rheoli a chyflawni
Sefydlwch brosesau monitro a gwerthuso
Cam dau - creu achos busnes ar gyfer cyllid a buddsoddi
Nod
Datblygu achos busnes cynhwysfawr ar gyfer cyllid a buddsoddi yn eich lle, ei weledigaeth a’ch cronfa brosiectau. Dyma gyfle i dorri’n rhydd o gylchau cyllido blynyddol a chael cefnogaeth wrth ymgymryd ag agwedd strategol, mwy cynaliadwy ac am dymor hwy at arian a chyllid.
Tystiolaeth awgrymedig
Rydym yn chwilio am dystiolaeth o’ch achos busnes cyffredinol, gan gynnwys y rhesymeg strategol, buddion disgwyliedig ac enillion ar fuddsoddiad. Rhowch fanylion am eich strategaeth fuddsoddi neu gyllido, eich agwedd at neilltuo incwm ac ail-fuddsoddi, eich agwedd at risg a gweithrediadau lliniaru a chyfiawnhad ariannol ar gyfer y cynlluniau arfaethedig yn eich lle.
Caiff ceisiadau eu hasesu ar sail p’un ai yw’r lle wedi:
- Ystyried gwerth economaidd y buddion o asedau presennol.
- Ystyried gwerth economaidd y newidiadau arfaethedig a’r enillion posibl ar fuddsoddiad.
- Rhoi mynegiant i werth cymdeithasol ac economaidd posibl o’r newidiadau arfaethedig.
- Asesu’r adnodd hirdymor sydd ei angen i gynnal y prosiectau a’r newidiadau uchelgeisiol.
- Ysgrifennu achos busnes clir ar gyfer cyllid/buddsoddiad cyffredinol yn y lle, gan gynnwys y rhesymeg strategol, buddion disgwyliedig ac enillion ar fuddsoddiad, risgiau a gweithredoedd lliniaru a chyfiawnder ariannol i’r newidiadau arfaethedig.
- Archwilio cyfleoedd cyllido gyda chyllidwyr posibl (deilliannau neu wasanaethau ecosystem) ac wedi cyflwyno achosion penodol ar gyfer buddsoddiad sy’n cyd-fynd â’u diddordebau a nodau.
- Ystyried sut caiff gwarged ei neilltuo i gyflawni buddion i bobl a natur, ac o bosib sefydlu endid cyfreithiol newydd os yw’n briodol a gweithio gyda phartneriaid.
Camau awgrymedig i’w cymryd wrth greu achos busnes ar gyfer cyllid a buddsoddi
Dewch i ddeall gwerth economaidd eich asedau glas a gwyrdd presennol
Aseswch werth economaidd eich newidiadau arfaethedig
Ystyriwch werth cymdeithasol ac amgylcheddol eich newidiadau arfaethedig
Ystyriwch y gofynion o ran adnoddau
Adeiladu achos busnes
Archwiliwch gyfleoedd ariannu
Cyflwynwch yr achosion penodol dros gyllid neu fuddsoddiad
Ystyriwch neilltuo cyllid
Cam tri - datblygu eich modelau gweithredu ac ariannol
Nod
Sefydlu eich model gweithredu targed i gyflawni’r newid yn y tymor byr i ganolig, sut caiff y seilwaith gwyrdd a glas ei reoli a’i gynnal am y tymor hir, a sut fyddwch chi’n ffurfio partneriaethau a grymuso cymunedau. Datblygu manylion eich model ariannol cyfunol arfaethedig i gefnogi eich uchelgeisiau nawr ac yn y dyfodol.
Tystiolaeth awgrymedig
Rydym yn chwilio am dystiolaeth o’ch model gweithredol newydd. Gall hyn fod yn esboniad ysgrifenedig o’ch model, strategaeth datblygu gweithlu, cynlluniau partneriaethau, a’ch agwedd at feithrin capasiti a grymuso cymunedau lleol. Rhannwch dystiolaeth o’ch strwythur llywodraethu neu gyfreithiol arfaethedig, a allai gynnwys cynlluniau i sefydlu endid cyfreithiol ar wahân os yn berthnasol. Rydym hefyd yn chwilio am dystiolaeth o’ch model ariannol cyfunol arfaethedig, gan gynnwys eich cynllun ariannol a rhagolwg llif arian hirdymor, cynlluniau ariannu, proses rheoli risg, a phroses i adolygu a gwerthuso.
Caiff ceisiadau eu hasesu ar sail p’un ai yw’r lle wedi:
- Creu cynllun ar gyfer datblygu sgiliau ar draws y bartneriaeth e.e. buddsoddi mewn arbenigedd sydd ei angen, neu greu swyddi, prentisiaethau neu hyfforddiant.
- Sefydlu strwythur llywodraethu a chyfreithiol ar gyfer cyflawni prosiect ar draws y bartneriaeth, diffinio rolau a chyfrifoldebau a sut caiff penderfyniadau eu gwneud.
- Datblygu cynllun ariannol pump i ddeng mlynedd lefel uchel gan gynnwys cynlluniau i dreialu a phrofi cynnydd tuag at y model busnes hirdymor.
- Datblygu rhagolwg llif arian tair blynedd, gan feddwl am gostau gweithredol a chyfalaf.
- Datblygu cynllun partneriaeth gan gynnwys sut y gall hyn ddatblygu dros amser.
- Datblygu cynllun grymuso i feithrin capasiti cymunedol.
- Sefydlu cynllun i reoli risg.
- Sefydlu dulliau ar gyfer adolygu ac addasu’r modelau ariannol a gweithredol arfaethedig yn barhaus.
Camau awgrymedig i'w cymryd wrth ddatblygu eich modelau gweithredu ac ariannol
Asesu gofynion sgiliau
Ystyriwch eich strwythur cyfreithiol a llywodraethu
Cwmpaswch eich cynllun ariannol
Grëwch gynllun busnes
Adolygwch eich partneriaethau
Meddyliwch am gynllunio grymuso
Rheoli risg