Achrediad lefel un: Sylfaenol
Mae cam Lefel Un: Sylfaenol yr achrediad Trefi a Dinasoedd Natur yn eich helpu i sefydlu eich gweledigaeth, meithrin partneriaethau traws-sector a meddwl yn strategol am seilwaith gwyrdd. Mae tair adran, pob un ag adnoddau ategol i'ch helpu. Dysgwch am y camau awgrymedig i'w cymryd, y cyflawniadau disgwyliedig a sut i gyflwyno tystiolaeth o'ch gwaith.
Gwnewch gais am achrediad lefel un: Sylfaenol
Gosod eich gweledigaeth
Dewch â phartneriaid a rhanddeiliaid ynghyd i greu gweledigaeth uchelgeisiol, glir. Myfyriwch ar unrhyw gynlluniau neu weledigaethau sydd gan sefydliadau ar wahân ar hyn o bryd ac ystyriwch yr heriau a’r cyfleoedd mawr rydych eisiau mynd i’r afael â hwy yn y tymor canolig i’r tymor hir.
Cliciwh ar y saethau i ganfod pa dystiolaeth y mae angen i chi ei chyflwyno ar gyfer pob adran, a dysgu am yr awgrymiadau da a’r adnoddau sydd ar gael.
Mae angen i hyn gynnwys:
- eich uchelgais ar gyfer y dref neu’r ddinas
- yr heriau mawr y mae angen i’r lle fynd i’r afael â nhw
- y cyfleoedd a’r rhesymeg dros drawsnewid
- cefnogaeth noddwyr, hyrwyddwyr ac arweinwyr allweddol o fewn eich sefydliad a chyrff allweddol eraill
- sut rydych wedi sicrhau cefnogaeth drawsbleidiol, hirdymor i’r weledigaeth.
Mae angen i hyn gynnwys:
- pa bobl a grwpiau perthnasol o’r gymuned, busnesau a sefydliadau partner oedd yn rhan o’r broses
- y dulliau a ddefnyddiwyd gennych i ymgysylltu â’r grwpiau hyn, yn enwedig plant a phobl ifanc
- pa mor effeithiol oedd yr ymgysylltu
- sut y bwydodd y wybodaeth a gasglwyd i’r weledigaeth.
- Nodwch gefnogwyr posibl ar gyfer seilwaith gwyrdd yn wleidyddol ac yn anwleidyddol, yn fewnol ac yn allanol. Sicrhewch gymeradwyaeth swyddogol e.e. fideo neu ymrwymiad ysgrifenedig i gefnogi’r weledigaeth
- Meddyliwch am sut mae’r heriau mawr yn eich ardal yn cysylltu â blaenoriaethau corfforaethol e.e. sero net, iechyd a llesiant, sgiliau a chyflogadwyedd ieuenctid, twf economaidd, teithio llesol, gwydnwch hinsawdd
- Ystyriwch sut y byddwch yn ymgysylltu â phobl yn gynhwysol ar draws y bartneriaeth e.e. trwy arolygon, cyfarfodydd cyhoeddus, llwyfannau ar-lein, paneli dinasyddion. Ceir awgrymiadau yn ein canllaw llunio gweledigaeth hefyd
- Cofiwch gynnwys plant a phobl ifanc trwy ysgolion a grwpiau ieuenctid. Edrychwch ar ein canllaw ar greu mannau a lleoedd gwyrdd gyda phobl ifanc am fwy o syniadau
- Edrychwch ar allbynnau ymgysylltu cyhoeddus perthnasol ar draws gwahanol adrannau e.e. ar yr hinsawdd, iechyd, natur, teithio
- Ystyriwch ddatblygu theori newid gyda mewnbynnau, gweithgareddau allweddol ac allbynnau i fynegi’n glir y newid rydych am ei weld a sut rydych yn mynd i’w gyflawni
- Ewch ati i ledaenu’r weledigaeth er mwyn cael cefnogaeth drawsbleidiol. Bydd hyn yn allweddol o ran cynllunio llywodraethu a gall ddigwydd yn aml wrth i brosesau gwneud penderfyniadau gael eu cytuno o fewn y bartneriaeth
- Defnyddiwch egwyddorion Natural England ar gyfer ennyn diddordeb pobl mewn natur. Mae’r egwyddorion hyn yn rhoi sylw i dargedu, deall cymunedau, cyd-ddylunio a chyd-ddatblygu, gwerthuso a chynaliadwyedd.
Meithrin partneriaethau cryf, traws-sector
Adeiladwch ar eich partneriaethau a chreu rhai newydd gydag amrywiaeth eang o randdeiliaid, i helpu i wireddu’ch gweledigaeth gyffredin. Myfyriwch ar sut mae partneriaethau presennol yn ffitio yn y darlun mwy, dewch â phartneriaethau newydd i mewn er mwyn gwella eich galluoedd ac ewch ati i ffurfioli sut rydych am gydweithio.
Bydd angen i hyn gynnwys manylion am:
- y raddfa y maent yn gweithio arni e.e. lleol, rhanbarthol, cenedlaethol
- crynodeb byr o rôl pob partner wrth wireddu’r weledigaeth
- pa rai sy’n bartneriaethau ffurfiol a sut mae hyn yn gweithio (cynnwys dolenni at gytundebau partneriaeth neu Femorandwm Cyd-ddealltwriaeth lle bo’n briodol).
Bydd angen i hyn gynnwys manylion am:
- sut y cafodd y fframwaith ei gyd-ddylunio
- rolau a chyfrifoldebau pob partner, gan gynnwys sut y byddwch i gyd yn cydweithio ar heriau a chyfleoedd ar draws y dref neu’r ddinas
- llywodraethu ar draws y bartneriaeth e.e. grwpiau llywio, byrddau
- y broses ar gyfer adolygu’r bartneriaeth wrth iddi esblygu.
- Edrychwch ar ein canllaw awdurdodau lleol i weithio mewn partneriaeth ar gyfer pobl a natur
- Nodwch bartneriaid presennol a phosibl o bob rhan o’ch ardal (iechyd, teithio, bioamrywiaeth, hinsawdd, treftadaeth naturiol, trafnidiaeth, priffyrdd, grwpiau cymunedol, yr heddlu, prifysgolion, cwmnïau cyfleustodau, tirfeddianwyr, busnesau)
- Canfyddwch beth sydd eisoes yn bodoli o ran darpariaeth a gweithgareddau cymunedol a meddyliwch sut y gallwch ei gefnogi a’i wella
- Meddyliwch am bwy y byddwch yn gweithio gyda nhw i ddatblygu’r weledigaeth – partneriaid strategol, partneriaid cyflawni, cymunedau a’r cyhoedd, tirfeddianwyr/rheolwyr
- Meddyliwch yn gyfannol am fuddion y trawsnewid e.e. iechyd a llesiant, teithio llesol, gweithgarwch corfforol a chwarae, grymuso cymunedol, balchder mewn lle, diwylliant, treftadaeth, natur a bioamrywiaeth, addasu i’r hinsawdd a gwydnwch
- Cyd-ddyluniwch fframwaith ar gyfer gweithio mewn partneriaeth a gwneud penderfyniadau – e.e. fforymau rheolaidd, grŵp llywio neu fwrdd traws-sector
- Ewch ati i ffurfioli partneriaethau lle bo’n briodol neu ystyried atodiadau i gytundebau partneriaeth presennol ar gyfer Trefi a Dinasoedd Natur
- Cynlluniwch ar gyfer esblygiad y bartneriaeth trwy adolygu parhaus ac ystyried sut y gallech ddod â phartneriaid newydd i mewn yn y dyfodol
- Ystyriwch eich dull o gyflawni gyda chymunedau trwy fodelau cyd-stiwardiaeth e.e. rhaglenni gwirfoddoli, trosglwyddo asedau, cyd-reoli mannau.
Meddwl yn strategol am seilwaith gwyrdd
Ewch ati i greu cynllun sy’n amlinellu sut rydych am ddatblygu a rheoli seilwaith gwyrdd a glas yn strategol er mwyn sicrhau buddion amgylcheddol, cymdeithasol ac economaidd. Ystyriwch sut y gall wella ansawdd bywyd trigolion, a mynd i’r afael â heriau fel newid yn yr hinsawdd, colli bioamrywiaeth ac iechyd cyhoeddus.
Mae angen i hyn gynnwys:
- dadansoddiad o ddata e.e. mapio SG, mapio tegwch amgylcheddol
- amcanion a thargedau sy’n ymwneud â heriau a chyfleoedd penodol y dref neu’r ddinas
- sut mae Egwyddorion a Safonau SG Natural England wedi cael eu cymhwyso
- sut mae’r strategaeth SG wedi’i chyd-ddylunio gyda’r bartneriaeth a chymunedau
- dolenni at strategaethau a pholisïau perthnasol presennol
- ystyriaeth o sgiliau, hyfforddiant a datblygiad staff a gwirfoddolwyr ar draws y bartneriaeth i gyflawni’r strategaeth
- ystyriaeth o sut y bydd y strategaeth yn cael ei hariannu a’i llywodraethu.
Bydd angen i hyn gynnwys manylion am:
- sut mae cynigion wedi cael eu datblygu o’r strategaeth a sut y cawsant eu llywio gan y weledigaeth, ymgysylltu â’r gymuned a chyd-ddylunio gyda phartneriaid
- llinell amser lefel uchel ar gyfer cyflawni
- dull o flaenoriaethu
- pwy sy’n gyfrifol am bob cam.
Mae angen i hyn gynnwys:
- eich dull cyffredinol o fesur cynnydd yn erbyn eich strategaeth
- canlyniadau a nodau dymunol
- dangosyddion canlyniad i fesur cynnydd tuag at y canlyniadau/nodau.
- Defnyddiwch y canllawiau a’r adnoddau sydd ar gael fel rhan o Fframwaith Seilwaith Gwyrdd Natural England i gasglu tystiolaeth ar draws y tri cham uchod ynghyd
- Gwyliwch y fideo hwn i glywed sut y gwnaeth y cyngor ar gyfer Trefi Natur achrededig Bournemouth, Christchurch a Poole greu strategaeth SG yn seiliedig ar dystiolaeth, sy’n dod â natur i galon y ddinas-ranbarth glan môr.
- Edrychwch ar ein fideo tiwtorial sy’n dangos sut i ddefnyddio Cronfa Ddata Mapio’r Fframwaith
- Gwyliwch ein fideo ar sut i ddefnyddio’r adnodd Tree Equity Score UK i fapio buddion coed trefol i bobl a natur yn eich ardal, a nodi cyfleoedd i wella
- Defnyddiwch ganllaw Healthy Outdoors Natural England i’ch helpu i fesur effaith ymyriadau awyr agored ar iechyd a llesiant pobl
- Meddyliwch sut y gellid integreiddio SG i strategaethau a pholisïau presennol.
Cychwyn arni
Er mwyn gallu cyfeirio ato’n rhwydd, lawrlwythwch gopi PDF o’r dystiolaeth sydd ei hangen, a defnyddiwch y llawlyfr fel traciwr neu le i wneud nodiadau wrth i chi gasglu’r holl bethau rydych chi’n bwriadu eu cyflwyno.
Lefel dau: Uwch
Mae dwy lefel i’r achrediad. Mae Lefel dau: Uwch yn arwydd o barodrwydd ar gyfer buddsoddiad, gyda phrosiectau wedi’u trefnu yn barod ar gyfer cyllid a chyflawni.
I wneud cais am y lefel Uwch, rhaid i’r ymgeisydd fod wedi cael achrediad lefel Sylfaenol yn gyntaf.
