12-02-2025
Canllaw
Astudiaeth Achos
©National Trust Images/Paul Harris
Mae’r canllaw hwn ar gyfer timau sy’n awyddus i ddatblygu eu dull presennol o reoli cymuned, gan nodi fframwaith tair rhan i greu gweledigaeth gyffredin.
Darllenwch ymlaen ar gyfer dulliau cynllunio sy’n dod â thimau a chymunedau ynghyd mewn ffordd fwy cydweithredol a chynhwysol i lywio dyfodol gwell ar gyfer eu parciau a mannau gwyrdd lleol.
O dan bob cam mae technegau cyfranogol, astudiaethau achos ac awgrymiadau sy’n helpu i roi amrywiaeth a chydraddoldeb wrth wraidd eich cynlluniau.
Os yw’n well gennych, gallwch lawrlwytho’r canllaw hwn gan ddefnyddio’r botwm isod.
Mae gweledigaeth strategol wych yn deillio o ddatganiad problem sydd wedi’i ddiffinio’n dda. Dechreuwch drwy nodi’r cyfleoedd a’r heriau ar gyfer eich mannau gwyrdd a gosod y trywydd i’w goresgyn.
Ewch i BetterUp am ragor o gymorth gydag ysgrifennu eich datganiad problem.
O awyr iach i adar yn canu, coetiroedd i goed – mewn ffyrdd di-rif, mae byd natur yn ein trefi a’n dinasoedd yn sail i fywydau hapusach ac iachach.
Er mwyn helpu i wireddu’r manteision hyn, gofynnwch i’ch hun ym mhob cam o’r fframwaith hwn:
Dylai dull partneriaeth alluogi cymaint o bobl â phosibl i gyfrannu at y weledigaeth strategol.
Dyma rai dulliau profedig o gynllunio ar y cyd ar raddfa dinas neu dref. Maent yn tynnu sylw at y ffyrdd mawr a bach y mae byd natur yn cefnogi bywydau iachach a hapusach yn eich cymuned.
Defnyddiwch y mewnwelediad hwn i wneud y weledigaeth ar gyfer mannau gwyrdd a pharciau yn wirioneddol ystyrlon i’ch ardal leol.
Gall y cam hwn gymryd hyd at chwe mis, a gorffen gyda datganiad gweledigaeth gorffenedig.
Enillwch ddealltwriaeth o emosiynau pobl drwy ofyn sut y gallent ‘deimlo’n fwy diogel’ yn yr awyr agored neu ‘dreulio mwy o amser ym myd natur’.
Ym mhob pwynt cyswllt â’ch cynulleidfa, dangoswch eich bod yn gwrando. A allwch chi ddangos sut y bydd eich gweledigaeth yn adeiladu ar ymgynghoriadau blaenorol?
Defnyddiwch ddata lleol i roi ffocws i’ch dulliau cynllunio. Cliciwch yma i gymryd golwg ar declyn demograffig yr ONS, mae’n le gwych i ddechrau.
Cyflwynwch syniadau cynllunio yn raddol i’ch cyfathrebiadau rheolaidd, megis cylchlythyrau, cyfryngau cymdeithasol a’r wefan.
Cliciwch ar ‘Dysgu rhagor’ ar bob un o’r teitlau isod i ganfod rhai dulliau cynllunio awgrymedig i gefnogi cam 1.
Cymerwch olwg ar yr astudiaethau achos isod i weld sut mae lleoedd wedi rhoi eu dulliau cynllunio cyfranogol yng ngham 1 ar waith.
Fe gasglodd Cyngor Dinas Caeredin syniadau ac adborth i lywio dyfodol eu parciau a’u mannau gwyrdd. Fe ddefnyddion nhw arolygon wedi’u seilio ar fapiau ar blatfform ymgysylltu â dinasyddion Maptionnaire.
Darllen yr astudiaeth achos
Fe wrandawodd Cyngor Dinas Birmingham ar straeon pum cant o bobl am fyd natur, er mwyn llywio eu Cynllun Dinas Natur 25 mlynedd. Fe wnaethon nhw archwilio cysylltiadau pobl â byd natur yn eu plentyndod, a gofyn beth fydden nhw ei eisiau i’w plant. Fe wnaethon nhw geisio lleisiau ymylol drwy allgymorth cymunedol.
Darganfod stori BirminghamEstynwch allan at rwydweithiau newydd yn eich ardal fel rhan o’r broses.
Defnyddiwch ddata i edrych ar ddemograffeg eich lle a mapio’r holl randdeiliaid o amgylch mannau gwyrdd presennol. Gallai hyn gynnwys adeiladwyr cymunedol, a rhwydweithiau sy’n canolbwyntio ar chwaraeon ac iechyd.
Y diben yw eich helpu i weld bylchau o ran pwy sy’n cymryd rhan a chysoni gwahanol amcanion strategol.
Dylai mannau gwyrdd a pharciau lleol gael eu trysori gan bawb sy’n eu defnyddio. Dyma rai ffyrdd o gynllunio ar y cyd â phartneriaid a rhwydweithiau cymunedol i wireddu hyn.
Defnyddiwch ddata i ddangos y buddion cyffredin i’ch rhanddeiliaid o gael mynediad at fannau gwyrdd o ansawdd.
Gall y mapiau cyfrifiad ONS yma helpu i ddangos ble mae’r angen mwyaf.
Mae’r arolwg Pobl a Natur yn ffynhonnell ddefnyddiol o wybodaeth am agweddau pobl tuag at yr amgylchedd naturiol a’i effaith ar lesiant. Dysgwch ragor am yr arolwg Pobl a Natur yn y ddolen hon.
Cliciwch ar ‘Dysgu rhagor’ ar bob un o’r teitlau isod i ganfod rhai dulliau cynllunio awgrymedig i gefnogi cam 2.
Cymerwch olwg ar yr astudiaethau achos isod i weld sut mae lleoedd wedi rhoi eu dulliau cynllunio cyfranogol yng ngham 2 ar waith.
Gweithiodd Cyngor Caeredin gyda Greenspace Scotland i ysbrydoli pobl ifanc i wneud newidiadau yn eu cymuned leol.
Darllen yr astudiaeth achos
Gweithiodd Cyngor Bwrdeistref Islington gyda phanel o 35 o drigolion i ddychmygu sut y gallai Islington sy’n gallu gwrthsefyll y hinsawdd edrych a sut i gyrraedd yno. Roedd tîm o arbenigwyr wrth law drwy gydol y broses chwe mis, ond y gymuned oedd yn arwain y cynigion a’r egwyddorion.
Mwy am y panel hinsawddLansiodd Cyngor Dinas Birmingham y Gynghrair Dinas Natur i greu gweledigaeth gyffredin ar gyfer seilwaith gwyrdd ar draws y ddinas. Roedd yr holl aelodau eisoes yn gweithio yn y sector, ond fe greodd y gynghrair weledigaeth gyffredin, a ffyrdd o weithio. Mae’r Gynghrair bellach yn helpu i gyflawni nodau’r Cynllun Dinas Natur 25 mlynedd.
Darganfod y GynghrairDaeth yr RSPB, WWF a’r Ymddiriedolaeth Genedlaethol â 300 o bobl rhwng 13 a 25 oed ynghyd, i adrodd eu straeon am gefnogi byd natur. Cynhaliwyd gweithdai sgiliau ar adrodd straeon, gwneud ffilmiau ac eiriolaeth. Cafodd y ffilm a gynhyrchwyd am eu gweledigaeth ei sgrinio mewn sinemâu.
Dysgu am Leisiau IfancGall lansiad neu ddigwyddiad cyhoeddus gynyddu ymwybyddiaeth ac annog mwy o bobl i helpu i wireddu eich gweledigaeth.
Er mwyn iddo daro deuddeg ag ystod eang o bobl, dylai’r weledigaeth fod yn hawdd ymgysylltu â hi. Rhowch gynnig ar arolygon barn ar-lein a datblygu mandad cyhoeddus drwy grwpiau sefydledig ac aelodau etholedig.
Byddwch yn glir iawn ynghylch diben cyfraniadau pobl er mwyn helpu i reoli disgwyliadau. Os ydych chi’n gofyn am eu barn, rydych chi’n ‘casglu gwybodaeth’. Os ydych chi’n caniatáu i bobl gyflwyno eu syniadau ar blatfform cyfartal, yna rydych chi’n ‘penderfynu gyda’n gilydd’.
Rhowch eich gweledigaeth ar-lein i gynyddu gwelededd.
Adlewyrchwch nifer o leisiau yn y naratif.
Ystyriwch leoliadau anhraddodiadol ar gyfer digwyddiadau wyneb yn wyneb e.e. lleoliadau hamdden fel llawr sglefrio neu hyd yn oed iwrit!
Cliciwch ar ‘Dysgu rhagor’ ar bob un o’r teitlau isod i ganfod rhai dulliau cynllunio awgrymedig i gefnogi cam 3.
Cymerwch olwg ar yr astudiaethau achos isod i weld sut mae lleoedd wedi rhoi eu dulliau cynllunio cyfranogol yng ngham 3 ar waith.
Fe wnaeth WWF, yr RSPB a’r Ymddiriedolaeth Genedlaethol gasglu barn 30,000 o bobl ar y ffyrdd gorau o wneud newid.
Darllen yr astudiaeth achos
Mae Groundwork yn cefnogi grwpiau cymunedol i gyd-greu Hybiau Cymunedol Gwyrdd, gan ddatblygu arweinyddiaeth gymunedol ar lefel cymdogaeth a chreu rhwydwaith o gefnogaeth gan gymheiriaid.
Mwy am y rhaglenFe nododd Prosiect Parciau’r Dyfodol Swydd Gaergrawnt a Peterborough, mewn partneriaeth â Chyngor Dosbarth Fenland, gamau argymelledig i awdurdodau lleol ddatblygu safonau gofod agored. Mae’r pecyn cymorth yn cynnwys dysgu am ymgysylltu â’r cyhoedd.
Darllen y pecyn cymorth