Pan mae byd natur yn cynefino’n lleol, mae ein bywydau ni oll yn well
Ein bwriad yw helpu miliynau yn rhagor o bobl i fwynhau amser mewn byd natur ger eu cartrefi, mewn trefi a dinasoedd gwyrddach a llewyrchus.
Mae Trefi a Dinasoedd Byd Natur yn goalisiwn o sefydliadau’r sector preifat a chyhoeddus a’r trydydd sector, wedi eu hymroddi i ddychwelyd natur a mannau gwyrdd i fannau trefol er budd pawb.
Bydd y coalisiwn hwn yn helpu i roi byd natur, seilwaith gwyrdd a threftadaeth wrth wraidd gwneud penderfyniadau’n lleol, gan ganolbwyntio ar yr ardaloedd hynny a fydd yn gweld y budd mwyaf. Am y 10 mlynedd nesaf rydym yn bwriadu helpu 5 miliwn yn rhagor o bobl i fwynhau mynediad gwell at fannau gwyrdd a glas yn agos i adref, ac 1 miliwn yn rhagor o blant i chwarae ym myd natur ar garreg eu drws.
Mae hyn yn cynnwys bob math o fyd natur trefol, a mannau glas a gwyrdd sydd o fewn cyrraedd rhwydd i’r cyhoedd. Er enghraifft, coed mewn strydoedd, mannau tyfu cymunedol, coed trefol, parciau cyhoeddus hanesyddol, glannau camlesi ac afonydd ac iardiau chwarae.
Y buddion ynghlwm â byd natur
Nid oes gan filiynau o bobl mewn ardaloedd trefol fynediad hollbwysig at fyd natur a mannau gwyrdd yn agos i’w cartref. Ond eto mae tystiolaeth yn dangos ei fod yn ein gwneud ni’n iachach, hapusach, mwy cysylltiedig a mwy cadarn.
Adnoddau i ysbrydoli eich trawsnewidiad byd natur
Dysgwch sut all datrysiadau sydd wedi ennill eu plwyf helpu i drawsnewid eich tref neu ddinas. Darllenwch astudiaethau achos gan bobl a lleoedd sy’n cyflawni newid, ac ewch i elwa ar adnoddau a thempledi a ddatblygwyd i’ch helpu i ddechrau arni a chymryd eich camau cyntaf.
