Canfod yr hyn sydd ei angen a'r hyn sydd ei eisiau
Bu Katy yn gweithio â choed ers 2017. “Bryd hynny, roeddwn yn cynnal teithiau cerdded coed yn ne Birmingham, gan weithio ar y cyd â beirdd ar gyfer eu hystyried nhw o safbwynt celfyddydol”.
Heddiw, fel arweinydd cymunedol gyda Birmingham TreePeople, mae gwaith Katy yn parhau i edrych ar sut mae pobl yn cysylltu â choed.
Mae’n ymwneud hefyd â nodi ardaloedd sy’n isel o ran gorchudd coed ac yn uchel o ran colled coed, a gweithio â chymunedau lleol i newid hynny drwy’r egwyddor o degwch coed.
“Mae coed yn hanfodol i iechyd dynol, iechyd ecolegol a grymuso cymunedol” meddai Katy.
Gan ddefnyddio map ‘TreePlotter’ Birmingham TreePeople, sy’n dangos yr ardaloedd sy’n isel ac sy’n lleihau yn y nifer o ganopïau sy’n eu gorchuddio, mae Katy yn blaenoriaethu wardiau canol dinas ar gyfer prosiectau plannu coed sy’n helpu i gyflawni ar yr holl bwyntiau hyn a mwy.
Gan weithio’n agos ag amrywiaeth o fannau a grwpiau cymunedol yn Alum Rock a Nechells, nid yn unig mae gwaith Katy wedi cyflwyno mwy o degwch coed i’r trigolion yno. Mae hefyd wedi sbarduno mentrau ar gyfer gwell iechyd meddwl, gwydnwch hinsawdd ac ysbryd cymunedol sy’n rhoi’r ardaloedd hyn o Birmingham – lle gall pobl deimlo eu bod yn cael eu hanghofio – yn ôl ar y map. Mae ychydig o’r uchafbwyntiau i’w cael isod.
